काठमाडौं । सेन्चुरी बैंकले संस्थापक सेयर लिलामी बिक्रीमा ल्याएको छ । बुधबार (असार ८ गते) बाट १८ लाख १२ हजार ८९ कित्ता बराबरको संस्थापक सेयर लिलामी बिक्री खुला गरेको हो । उक्त संस्थापक सेयरमा बैंकका संस्थापक सेयरधनीसहित अन्य व्यक्ति, कम्पनी तथा संघसंस्थाले पनि आवेदन दिन सक्ने भएका छन् । यसमा न्यूनतम १४५ रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नु पर्ने भएको छ ।

लगानीकर्ताले न्यूनतम १ हजार कित्तादेखि अधिकतम सबै कित्ताका लागि आवेदन दिन सक्नेछन् । असार १५ गतेसम्म आवेदन दिन मिल्ने छ भने बिक्री प्रबन्धक एनआइबीएल एस क्यापिटल, लाजिम्पाट काठमाडौंमा आवेदन बुझाउनुपर्नेछ । लिलामी सेयरको आवेदन असार १६ गते बिहान १० बजे एनआइबीएल एस क्यापिटल, लाजिम्पाट काठमाडौंमा खोलिने भएको छ ।