‘बाहिर एकदम राम्रो भनिएको बैंकमा साथीहरुले कुन हदसम्मको बदमासी गरेका रहेछन् भन्ने बल्ल थाहा हुँदैछ ।’ ग्लोबल आइएमई बैंकका एक उच्च अधिकारीले अर्थ सरोकारसँग भने, ‘बैंकभित्र ठुला ऋणहरु यसरी बिग्रिएका रहेछन्, कि के भन्ने ? सबै बिजोग रहेछ । ३ अर्व प्रोभिजनिङ गर्नुपर्ने भन्ने कुरा सानो कुरा हुँदै होइन । यसले बैंकको स्थिति त देखाएको छ नै, अर्कोतर्फ बाहिर राम्रो भनिएको बैंक भित्रभित्रै कसरी खोक्रो हुँदैरहेछ भन्ने तथ्य पनि प्रमाणित भएको छ ।’

आफ्नालाई पोसेर बैंक सोस्ने काम यसरीसमेत हुँदो रहेछ

बैंकले यतिसम्म मनपरी गरेको पाइएको छ कि, आफ्ना नजिकका भएका नाममा ब्याज नै नतिर्ने कतिपय ऋणीहरुलाई पनि बैंकले असल ऋणीका रुपमा राखेको छ । ‘३ महिना भन्दा बढी भाखा नाघेका ऋणीलाई पनि असल कर्जा भनेर राखिएको भन्ने भित्रभित्र हामीलाई त थाहा थियो । तर यसरी भाखा नै नाघेका ऋणीहरुको संख्या यति ठुलो छ भन्नेचाहिं थाहा थिएन। ‘ बैंकका एक उच्च अधिकारी भन्छन्, ‘बैंकभित्रको यो मनपरीका कारण बैंक जुनसुकै बेला जस्तो स्थितिमा पनि पुग्न सक्ने भयो । यसतर्फ सबैजना सचेत हुन जरुरी छ। ‘

यस विषयमा बुझ्न बैंकका सूचना अधिकारीलाई सम्पर्क गर्न खोज्दा भने उनी सम्पर्कमा आएनन् ।