काठमाडौं । सेयर बजार सुधारको माग गर्दै अनशनमा बसेका तिलक कोइरालालाई अस्पताल भर्ना गरिएको छ । कोइरालाको स्वास्थ्यमा निक्कै गम्भीर समस्या देखिएकोले पाटन अस्पताल एमर्जेन्सिमा भर्ना गरिएको हो । उनको उपचार सुरु भईसकेको एक लगानीकर्ताले बताएका छन् । यस्तै तिलक कोइरालालाई केही भयो भने लगानिकर्ताले काहीँ केही र कसैलाई बाँकी नराख्ने पनि बताएका छन् ।
एक लगानीकर्ताले भने, ‘अनसन बसेका तिलक कोइरालाको स्थिति गम्भीर अवस्थामा हस्पिटलमा उपचारको लागि लगिएको छ । आजको आन्दोलन निर्णायक हुने भएकाले आजको सफलताको लागि सम्पुर्ण लगानिकर्ताहरु सेबन खुमलटारमा अनिवार्य उपस्तिथि हुन एक लगानीकर्ताले अनुरोध समेत गरेका छन् । सुरक्षाकर्मिहरुको बाक्लो व्यवस्थापन गरि सेबनका हाकिम चुप लागेर बस्ने हामी लगानीकर्ता कर तिरि रहेका छौ । अब यो सहन हुदैन तसर्थ हामि सबै एक हौ। तिलक कोइरालाको स्वास्थ्यमा गम्भीर समस्या देखिएकोले पाटन अस्पताल एमर्जेन्सिमा भर्ना गरिएको छ । उहाँको उपचार सुरु भएको छ । हामी अपराधिक मनस्थिती भएका नियामक तथा सकारलाइ खबरदारी गर्न चाहन्छौ । यदि तिलकजीलाई केही भयो भने ५० लाख लगानिकर्ताले काहीँ केही र कसैलाई बाँकी राख्ने छैनन् ।’
लगानीकर्ता तिलक कोइराला पुँजी बजारको सुधार र विकासको माग राख्दै गत असार १ गतेदेखि आरण अनसन बसेका हुन् । सरकारले साढे ३ वर्ष अघि नै गर्छु भनेका कामहरु पूरा नगर्दा अहिले पुँजी बजारमा गंभीर संकट आएको भन्दै १९ बुँदे मागसहित लगानीकर्ताहरु आन्दोलनमा उत्रिएका हुन् ।
