काठमाडौं । नेपाल धितोपत्र बोर्डले आगामी आर्थिक वर्षको लागि नीति तथा कार्यक्रम बनाउन सुरु गरेको छ । बोर्डले आगामी आर्थिक २०७७/७८ का लागि धितोपत्र तथा वस्तु विनिमय बजारसम्बन्धी नीति तथा कार्यक्रमको मस्यौदा बनाउने कार्य सुरु गरेको हो । हरेक वर्ष नीति तथा कार्यक्रम तयार गर्दा सरोकारवाला पक्षहरुसँग समेत सल्लाह लिई तर्जुमा गर्ने कार्यलाई बोर्डले निरन्तरता दिएको छ ।
बोर्डले मस्यौदा बनाउने क्रममा बोर्डले सरोकारवाला पक्षहरुसँग लिएको सल्लाह सुझावलाई आगामी नीति तथा कार्यक्रममा समावेश गर्नेछ । नेपाल धितोपत्र तथा वस्तु विनियम बजारको विकास तथा विस्तारका लागि बोर्डले नियमन तथा सुपरिवेक्षण क्षमता अभिवृद्धि गर्दै बजारलाई स्वच्छ, दिगो, पारदर्शी र अत्याधुनिक बनाउँदै लैजानुपर्ने अवस्था रहेको बोर्डले जनाएको छ ।
सम्बन्धित सबै सरोकारवालहरुले बजारको विकास विस्तार तथा सुधारका लागि आफ्नो रचनात्मक राय सल्लाह तथा सुझाव जेठ ९ गतेसम्म पेश गर्न आह्वान गरेको छ ।
