×

Live on

रेडियो अर्थ सरोकार

Listen to live radio.

laxmi sunrise bank

‘सेयरको मूल्य घट्छ, बजार मूल्य र ब्याजदर बढ्छ…’ : सार्वजनिक लेखा समितिका सभापति शाह

काठमाडौँ । पछिल्लो समय विभिन्न सांसद, पूर्वमन्त्री लगायत बरिष्ट भनिएकाहरुले सेयर बजारका बारेमा सार्वजनिक टिप्पणी गर्ने क्रम जारी छ । यसैबीच सार्वजनिक लेखा समिति सभापति भरतकुमार शाहले पनि सेयर बजारका बारे सार्वजनिक टिप्पणी गरेका छन् । उनले सेयरको मूल्य अझै घट्ने बताएका हुन् । बुधवार महालेखापरीक्षक कार्यालयको ६४औं वार्षिकोत्सव कार्यक्रममा बोल्दै सभापति शाहले सेयरको मूल्य अझै घट्ने, अझै बजार मूल्य र ,ब्याजदर बढ्दै जाने बताएका हुन् । बाह्य कारणले अर्थतन्त्रमा समस्या आएको बताउँदै उनले अर्थतन्त्र जटिल मोडमा पुगेको र मुलुकको अर्थतन्त्रका सबै सूचकहरु नकारात्मक हुँदा देश अफ्ट्यारो अवस्थामा पुगेको बताएका छन् ।
‘कोरोनापछि अत्यन्त महँगी बढ्यो । बैंकहरुले बजारबाट पैसा तान्नको लागि ब्याज बढाए । यसरी सबै समस्या आएको हो । यसका सरकारले राम्रोसँग ध्यान दिनुपर्छ नत्र अफठ्यारो पर्छ ।’ कार्यक्रममा बोल्दै उनले भने- ‘अझै सेयरको मूल्य घट्छ, अझै बजार मूल्य ,ब्याजदर बढ्दै जान्छ । यी सबै व्यवस्थापन नगर्न सक्नुपर्छ । अहिलेको विश्म परिस्थितीबाट देशलाई जोगाउनु हामी सबैको कर्तव्य हो । फजुल खर्च गर्न सक्नुपर्छ ।’
उनले अमेरिकाले जथाभावी डलर छाप्दापनि यस्तो समस्या आएको टिप्पणीसमेत गरे । ‘वर्तमान परिस्थितीमा अर्थतन्त्र जटिल मोडमा छौं । अहिले अत्यन्तै बढी आयात भइरहको छ । विदेशी मुद्रा साढे ६ महिनालाई मात्रै छ । घरजग्गा,शेयरको मूल्य घटेको छ । बैंकको ब्याज बढेको छ । चारै तिरबाट हामीलाई अफठ्यारो परेको छ । हामी सबैले आफ्नो जिम्मेवारी पालना गर्नुपर्छ । यो जटिल परिस्थिति नेपालको मात्रै होइन संसारको हो । यो जटिल परिस्थितिलाई हामी मिलेर सामना गर्नुपर्छ । हरेक नागरिकले आफ्नो जिम्मेवारी लिएर देशलाई बचाउनु पर्छ । हाम्रो देशमा अफ्ठ्यारो परेर श्रीलंका जस्तो अवस्था भोग्नुपरो भने सबैलाई राम्रो हुँदैन ।’ कार्यक्रममा बोल्दै उनले भने- ‘यो अमेरिकाबाट आएको हो । यो युक्रेन र रसिया युद्धले होइन । अमेरिकामा कोभिड भएको समयमा मनपरि डलर छाप्यो । सबैलाई पैसा दियो । धेरै पैसा बजारमा फाल्यो । उनीहरुले पैसा पाए कोहीले शेयरमा लगानी गरे,भारत लगायतका देशमा शेयरमा लगानी गरे । नेपालमा पनि गरे। ‘
कार्यक्रममा बोल्दै उनले अन्तर्राष्ट्रिय अभ्यास जोखिममा आधारित लेखा परीक्षण हुने भएकाले नेपालमा पनि जोखिममा आधारित कारोबारको मात्रै लेखापरीक्षण गर्नुपर्ने बताए । महालेखापरीक्षकको ठूलो जिम्मेवारी भएकाले ऐन कानून परिर्वतन गर्नुपर्ने आवश्यकता रहेको उनको भनाई थियो।
Hamro Parto AD
TRITON COLLEGE

प्रतिक्रिया दिनुहोस्

सिफारिस: