कैलाली । कैलालीमा ‘चेक बाउन्स’ मुद्धामा प्रहरीले वडा अध्यक्षलाई अदालतमा उपस्थित गराएको छ । बुधबार प्रहरीमा आएको अदालतको पत्र अनुसार धनगढी उप-महानगरपालिकाका-१२ का वडाध्यक्ष शेरबहादुर महरालाई अदालतमा पेस गरिएको जिल्ला प्रहरी कार्यालय कैलालीले जनाएको छ ।
‘अदालतमा परेको चेक अनादारको मुद्धामा शेर बहादुर महरालाई उपस्थित गराउन भनि हामीलाई जिल्ला अदालतबाट पत्र आएको थियो । सोही पत्रका आधारमा बुधबार महरालाई नियन्त्रणमा लिएर अदालतमा उपस्थित गराएका हौँ’- जिल्ला प्रहरी कार्यालय कैलालीका प्रहरी निरिक्षक खगेन्द्र साउँदले अर्थ सरोकारलाई भने ।
अध्यक्ष महरा विरुद्ध कृष्ण कुमार रानाले जिल्ला अदालतमा मुद्धा दायर गरेका थिए । यता पक्राउ परेका भनिएका अध्यक्ष महराले ‘अध्यक्ष महरा पक्राउ’ भनि सार्वजनिक भएका समाचारप्रति आपत्ति जनाएका छन् । धनगढी ७ का कृष्ण कुमार रानाबाट घरायसी कामका लागी ५ लाख रुपैँया सापटी लिएको र सो मध्येको ४ लाख रुपैँया फिर्ता गरिसकेको अवस्थामा नियोजित रुपमा मुद्धा हालेको अध्यक्ष महराले विज्ञप्ति मार्फत जानकारी दिएका छन् । ‘सोही मुद्धाका लागी बुधबार म जिल्ला अदालत कैलालीमा उपस्थित भएको थिए। अदालतमा उपस्थित भएर मैले लिएको रकमको सावाँ–ब्याज सबै तिरिसकेको छु’– जारी विज्ञप्तिमा उल्लेख गरिएको छ । यस्तो छ विज्ञप्तिः
