काठमाडौं । नेपाल धितोपत्र बोर्ड (सेबोन) ले आर्थिक वर्ष २०७९/०८० को नीति तथा कार्यक्रम बिहीबार सार्वजनिक गर्ने भएको छ । सेबोनले साउन १२ गते धितोपत्र बजार तथा विनिमय बजार सम्बन्धी नीति तथा कार्यक्रम सार्वजनिक गर्न भएको हो ।

बोर्डले हरेक वर्ष नीति तथा कार्यक्रम सार्वजनिक गर्दै आएको छ । बोर्डका अध्यक्ष रमेशकुमार हमालले भने पहिलो पटक नीति तथा कार्यक्रम सार्वजनिक गर्दै छन् । छोटो अवधिमा पनि हमालले पूँजी बजारको विकासका लागि केही राम्रा काम गरिरहेकाले महत्वपूर्ण योजना ल्याउने अपेक्षा गरिएको छ ।

अध्यक्ष हमालले नेपाल  राष्ट्र बैंकले सार्वजनिक गरेको मौद्रिक नीतिमा गरिएको सेयर बजार सम्बन्धी व्यवस्थालाई नीति तथा कार्यक्रममा समेट्ने समेत बुझिएको छ ।

उक्त नीति तथा कार्यक्रमका लागि बोर्डले बजारका सरोकारवालाहरुसँग राय तथा सल्लाह र सुझाव मागिसकेको छ । जसको अन्तिम म्याद असार २० गतेसम्म रहेको थियो ।