">
काठमाडौँ । नेपाल राष्ट्र बैंकका गभर्नर महाप्रसाद अधिकारी विवादमा तानिएपछि सार्वजनिक कार्यक्रममा जान छोडेका छन् । बुधबार नेपाल चार्टड एकाउन्टेट्स संघ (एक्यान)ले गरेको मौद्रिक नीति सम्बन्धि अन्तरक्रिया कार्यक्रममा अतिथि बनाइएका अधिकारीले सो कार्यक्रममा आफु आउन नसकेको भन्दै डेपुटी गभर्नर बम बहादुर मिश्रलाई पठाएका छन् । यसले पनि अधिकारी पछिल्लो प्रकरणबाट तनावमा छन् भन्ने बुझ्न गाह्रो छैन ।
बुधबार बसेको संसद बैठकमा पनि विभिन्न सांसदहरुले गभर्नर अधिकारीमाथि प्रश्न उठाएका थिए ।
गभर्नर अधिकारी नगएपछि अहिले सो कार्यक्रममा राष्ट्र बैंकका डेपुटी गभर्नर बम बहादुर मिश्र अतिथिका रुपमा छन् । सो कार्यक्रममा नेपाल बैंकर्स संघका अध्यक्ष अनिल उपाध्याय, नबिल बैंकका डेपुटी सीइओ मनोज कुमार ज्ञवाली, सीएनआईका अध्यक्ष, एफएनसीसीआईका अध्यक्ष लगायत उपस्थित भएका छन् ।
गभर्नर नआएपछि कार्यक्रम केहि खल्लो भएको छ।
