काठमाण्डौ । ‘एम अधिकारी’ प्रकरणमा मुछिएका नेपाल राष्ट्र बैंकका गभर्नर महाप्रसाद अधिकारीविरुद्ध तीन विद्यार्थी संगठनका विद्यार्थीले राष्ट्र बैंक अगाडी कालो ब्यानरसहित प्रदर्शन गरेका छन् । नेपाली कांग्रेसनिकट नेविसंघ, नेकपा माओवादी केन्द्रनिटक अखिल (क्रान्तिकारी) र एकीकृत समाजवादीनिकट अनेरास्ववियुले राष्ट्र बैंकको कार्यालय नै पुगेर विरोध प्रदर्शन गरेका हुन् ।
प्रदर्शनका लागि राष्ट्र बैंक पुगेका प्रदर्शनकारीले राष्ट्र बैंक परिसरमा कालो ब्यानरसमेत टाँगेका थिए । तर केहि तस्विर खिचीसकेपछि विद्यार्थी नेताहरुकै अगाडी प्रहरीले ब्यानर च्यातेका छन् ।
प्रदर्शनमा प्रदर्शनकारीहरुले, ‘एमाले गभर्नर मुर्दाबाद, गभर्नर भएर राजनीति गर्न पाईदिन, एमाले गभर्नर बालकोट जा !’ लगायतका नारा लगाएका थिए । यता विद्यार्थीहरुले भने गभर्नरले राजीनामा नदिएसम्म आन्दोलन जारी राख्ने बताएका छन् । बाँकी फोटोमा हेर्नुहोस् 
