केहि समय अघिको समाचार….

मर्जरका लागि अन्तिम प्रयास भन्दै हिमालयन र सिभिल बैंकका अधिकारी बसेको बैठकमा पनि कुरा नमिलेपछि मर्जरमा समस्या देखिएको छ । ‘वार-पार’ गर्ने भन्दै बसेको सो बैठकमा पनि कुरा नमिलेपछि अन्तत: हिमालयन र सिभिल बैंक आ-आफ्नो बाटो हिँड्ने संकेत देखिएको छ।

‘बसियो, कुरा गरियो तर कुरा मिलेन । उहाँहरुले अलि बढी नै भाउ खोज्नुभयो । सिटिजन्सले ९५ दिईसक्यो भन्नुभयो ।सिटिजन्ससँग हामीलाई जोडेर हाम्रो अपमान गर्नुभयो । अव सिभिल र हिमालयनबीच मर्जरको सम्भावना छैन ।’ हिमालयनका एक संचालकले भने, ‘हामी अफ्ट्यारोमा छौँ भन्ने थाहा पाएर बढी पेल्ने काम भयो । त्यसपछि सिटिजन्सको कुरा निस्कियो । हामीले अल दी बेष्ट भनेर फर्कियौँ।’

स्वाप रेसियो र कर्मचारी समायोजनमा कुरा नमिलेको ती संचालकको भनाई छ । प्राप्तिका लागि हिमालयनले ६० देखि ६५ सम्म दिन सकिने प्रस्ताव गरेको थियो भने सिभिलले ८५-९० मागेको थियो ।  पछि ८१ सम्म कुरा मिलेको थियो । तर त्यसमा पनि हिमालयन बैंकले सिभिललाई दिने रेसियो बढी भयो भनेपछि दुई बैंकबीच खटपट  भएको थियो । त्यसपछि हिमालयन र सिभिल बैंकबीच गर्ने भनिएको सम्झौता नै रद्ध भएको थियो ।