">
काठमाडौँ । हिमालयन बैंक र सिभिल बैंकबीच मर्जरका लागि सम्झौता भएको छ । याक एण्ड यति होटलमा भएको एक कार्यक्रमका बीच दुई बैंकबीच मर्जरको सम्झौता भएको हो ।
समझदारीपत्रमा हिमालयन बैंकको तर्फबाट प्रचण्डबहादुर श्रेष्ठ र सिभिल बैंकको तर्फबाट अध्यक्ष प्रतापजंग पाण्डेले हस्ताक्षर गरेका छन् ।
सम्झौता अनुसार सिभिल बैंकलाई हिमालयन बैंकले १००:८१ मा प्राप्ति गर्न लागेको हो। सम्झौतामा मर्जरपछि बन्ने बैंकको नाम हिमालयन बैंक रहने, सीइओमा अशोक राणा नै रहने र बैंकको सिनियर डेपुटी सीइओमा सिभिल बैंकका सीइओ सुनिल पोखरेल रहने उल्लेख छ ।
हिमालयन बैंकको सञ्चालक समितिमा सिभिलबाट कोहि पनि जाने छैनन् ।
हिमालयन बैंक जाने सिभिलका उच्च तहका कर्मचारीहरुको एक तह घटुवा हुनेछ ।
