काठमाडौं । कान्तिपुर टेलिभिजन नेटवर्क लिमिटेडले आइपीओ निष्कासन गर्ने भएको छ । टेलिभिजनले ७ करोड ५० लाख रुपैयाँबराबरको १०० अंकित मूल्यको दरले ७ लाख ५० हजार आइपीओको अंकित मूल्यमा प्रिमियम रकम थप गरी आईपीओ निष्कासन गर्ने भएको हो ।

कम्पनीले सानिमा क्यापिटल लिमिटेडलाई निष्कासन तथा बिक्री प्रबन्धक नियुक्त गरेको छ । कान्तिपुर टेलिभिजन नेटवर्क लिमिटेडका तर्फबाट अध्यक्ष तथा प्रबन्ध निर्देशक कैलाशप्रसाद सिरोहिया र सानिमा क्यापिटल लिमिटेडका तर्फबाट प्रमुख कार्यकारी अधिकृत भीष्मराज चालिसेले सम्झौतापत्रमा हस्ताक्षर गरेका छन् ।

एक सय रुपैयाँ अंकित दरका ७ लाख ५० हजार कित्ताले हुन आउने ७ करोड ५० लाख रुपैयाँबराबरको अंकित मूल्यमा प्रिमियम रकम थप गरी साधारण सेयर जारी गर्न लागेको छ।

कान्तिपुर टेलिभिजनले २०६० असार २९ गते विधिवत रुपमा प्रसारण आरम्भ गरेको थियो । कान्तिपुर टेलिभिजनले हाल हाइ डेफिनेसन प्रविधि (एचडी) मा प्रसारण गरिरहेको छ।