काठमाडौं । साताको कारोबारको पाचौं दिन बिहिबार पनि नेप्से परिसूचक बढेको छ । बुधबारको तुलनामा नेप्से परिसूचक १५.४४ अंकले बढेर २१२७.४२ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २२१ कम्पनीको १ करोड १९ लाख ५५ हजार ७६ कित्ता सेयर खरिद बिक्री हुँदा ४ अर्ब ९७ करोडमाथिको सेयर कारोबार भएको छ । आज सबैभन्दा बढी कारोबार अरुण काबेली पावरको भएको छ । यस कम्पनीको १७ करोड ९६ लाख ८६ हजार ६ सय १२ रुपैयाँ बराबरको सेयर कारोबार भएको हो ।

यस्तै बिहिबारको सेयर बजारमा राधी विद्युत कम्पनीको लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशतभन्दा बढीले घटेको हो । राधीको सेयरमा यस्तो गिरावट आउँदा बलेफि हाईड्रोपावर कम्पनी, ग्रिन भेन्चर्स  लिमिटेड, लक्ष्मी उन्नती कोष र महुली लघुवित्तमा पनि उच्च गिरावट देखिएको छ । हेर्नुहोस् बिहिबारको सेयर बजारमा सबैभन्दा बढी गुमाउने कम्पनीहरुको सूचीः

यसैबीच बिहिबारको बजारमा सबैभन्दा बढी कारोबार अरुण काबेली पावरको भएको छ । यस कम्पनीको १७ करोड ९६ लाख ८६ हजार ६ सय १२ रुपैयाँ बराबरको सेयर कारोबार भएको हो । यस अलावा शिवम् सिमेन्ट, अपर तामाकोशी हाईड्रोपावर कम्पनी, अपि पावर कम्पनी, सिटिजन्स इन्भेष्टमेन्ट ट्रस्ट, हिमालयन डिस्टिलरी, युनिभर्सल पावर कम्पनी, आइसिएफसि फाइनान्स र यूनाइटेड मोदी हाईड्रोपावरको पनि अत्याधिक कारोबार भएको छ । हेर्नुहोस् बिहिबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी बिहिबारको सेयर बजारमा विन्ध्यावासिनी हाईड्रोपावर डेभलपमेन्ट कम्पनीका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा राष्ट्र उत्थान लघुवित्त वित्तिय संस्था एक्सेल डेभलपमेन्ट बैंक, हिमालयन पावर पाटनर, समृद्धि फाइनान्स कम्पनी र रिभर फल्स पावरका लगानीकर्ता पनि मालामाल भएका छन् । हेर्नुहोस् बिहिबारको सेयर बजारमा सबैभन्दा बढी नाफा गर्ने कम्पनीहरुको सूचीः