कास्की । पोखरामा रहेको एनएमबि बैंकको एटिएम मेसिन फोडेर चोरहरुले १५ लाख रुपैयाँ लुटेर लागेका छन् । पोखरा महानगरपालिका–२६ अर्घोचोकमा रहेको एनएमबी बैंकको एटिएम मेसिन फोडेर रकम चोरी भएको प्रहरीले जनाएको छ ।

‘बुधबार राती एटिएम फोडेर १५ लाख रुपैयाँ लुटिएको छ । हामी थप अनुसन्धान गरिरहेका छौँ ।’ अर्थ सरोकारसँग कुराकानी गर्दै जिल्ला प्रहरी कार्यालयका प्रवक्ता एवं प्रहरी नायब उपरीक्षक सुन्दर तिवारी भने- ‘हामी चोरी गर्नेको खोजी गरिरहेका छौँ । अहिलेसम्म कोहि पक्राउ भने परेका छैनन् ।’

मेसिन फोडेर नगद लिएपछि पैसा राखिएको बाकस लुटेराहरुले अर्घौंचोकस्थित विचारी चौतारीमा फालेको भेटिएको छ । प्रहरीका अनुसार बैंकले अघिल्लो दिन एटिएम मेशिनमा १७ लाख रुपैयाँ राखेको र त्यसमध्ये लाख रुपैयाँ ग्राहकले निकालेको पाइएको छ भने बाँकी पैसा चोरी भएको छ ।

केहि समय अगाडी पोखरामै एनआईसी एशिया बैंकको एटिएम फोड्ने प्रयास भएको थियो ।