काठमाडौं । सांसद प्रेम सुवालले नेपाल राष्ट्र बैंकका गभर्नर महाप्रसाद अधिकारीका विषयमा प्रश्न उठेकाले प्रधानमन्त्रीले संसदमा स्पष्टिकरण दिनुपर्ने बताएका छन् । बुधबार प्रतिनिधिसभाको बैठकमा बोल्दै सुवालले यस्तो माग गरेका हुन् ।
‘राष्ट्र बैंकका गभर्नर महाप्रसाद अधिकारीका विषयमा संसदमा प्रश्न उठेको छ, यस विषयमा अर्थमन्त्रालयको जिम्मेवारी सम्हालेका प्रधानमन्त्री शेरबहादुर देउवाले संसदमा स्पष्टिकरण दिनुपर्छ ।’ उनले भने ।
गभर्नर अधिकारी नेकपा एमालेको अर्थ योजना विभागको सदस्यमा नियुक्त भएको तथ्य बाहिरिएपछि संसदमा यस्तो प्रश्न उठेको हो ।
संसदमै कांग्रेस र माओवादी सांसदहरुले गभर्नर अधिकारीको विषयमा प्रश्न उठाएका थिए भने एमाले सांसद हरुले अधिकारीको बचाउ गरेका थिए ।
