काठमाडौं । यसवर्षको मौद्रिक नीतिप्रति नेपाल पूँजीबाजार लगानीकर्ता संघकी अध्यक्ष राधा पोखरेलले आफ्नो बिचार व्यक्त गरेकी छिन् । शुक्रबार राष्ट्र बैंकका गभर्नर महाप्रसाद अधिकारीले प्रस्तुत गरेको नीतिप्रति सामाजिक संजालमार्फत पोखरेलले बिचार व्यक्त गरेकी हुन् । यस्तो छ मौद्रिक नीतिप्रति पोखरेलको टिप्पणी :

४–१२ मा ४ हट्यो १२ यथावत ! यो कसरी राम्रो भयो ?
सेयर धितो कर्जाको सिमामा १२ करोड मात्र ! अचम्म, ४ करोडका दरले ३ बैंक धाउनु पर्नेमा झन्झट हटेर गए पनि अरबौंको सेयर हुनेले के १२ करोडमै थान्को लाग्नु पर्ने हो र ? आफ्नो सम्पत्ति राखेर पनि पैसा लिन नपाईने ? ढिलो छिटो यो खारेज हुनैपर्छ । हाम्रो सम्पतीमा नेपाल राष्ट्र बैंकले अंकुश लगाउन पाउँदैन ।

२५ लाखसम्मको ऋणमा जोखिम भार १००% !
यो सम्म ठिकै हो । साना लगानीकर्तालाई प्रोत्साहन गर्न खोजेको मान्नु पर्छ ।

मर्जर तथा एक्विजिसनमा जाँदा करोबार नरोकिने !
यो बिषय पनि हामिले उठाउदै आएका थियौ । यो परिवर्तित निती सेयर लगानीकर्ताको लागी राम्रो हो ।

बैंकदर ७ प्रतिशत बाट १.५ प्रतिशतले बढाएर ८.५ प्रतिशत पुयाएको छ। यो सरासर गलत हो । यसले बैंकको मार्जिन कर्जाको ब्याज घटन मद्दत गर्दैन ।

पहिलो कुरा CD Ratio हट्नुपथ्र्यो र CCD कायम हुनु पथ्र्यो । त्यो हुन सकेन तथापी CD Ratio गणना गर्दा २०८० असारसम्म ऋणपत्रलाई निक्षेपको रुपमा गणना गर्न पाउने व्यवस्था गरेको छ । जसले तरलतामा पर्ने चापलाई केहि हदसम्म कम गर्न सहयोग गर्नेछ ।

मौद्रिक नीतिप्रति आफ्नो टिप्पणसहितको सुझाव राख्दै पोखरेलले समग्रमा हेर्दा मौद्रिक निती निक्कै नै फुलबुट्टा भरेर आए पनि केही खासै प्रभावकारी नभएको तर्क गरेकी छिन् । ‘सेयर बजारको लागि राष्ट्र् बैंकको कसुवा नितिमा ज्यादिबिधी खुकुलो पनि आएको मान्न सकिदैन ।’ पोखरेलले भनिन्– ‘तथापी राष्ट्रबैंकको निती बजारलाई नियन्त्रण गरेर आफुले चाहेको बाटोमा हिडाउन खोजेको प्रष्ट देखिन्छ ।’