काठमाडौँ । हिन्दुहरुको आस्थाको केन्द्र पशुपतिनाथ परिसरमा यसै पनि अरुबेलामा पनि खुब भीड हुन्छ । कोरोना काललाई छोडेर हेर्ने हो भने, अरु समय पशुपति क्षेत्रमा विश्वभरका हिन्दु तिर्थयात्रीहरु भीड खासै कम भएको इतिहास छैन । त्यसमाथि पनि साउनको समयमा र साउनमा पनि साउनको सोमबार त पशुपतिमा थामिनसक्नुको भीड हुन्छ ।

साउन लागेदेखि काठमाडौँमा पशुपति तीर्थाटन गर्न आउनेहरुले होटलहरु भरिएका छन् । सोसल मिडियाको जमानामा बाहिरबाट आउने पर्यटक हुन्, वा नेपाली आन्तरिक पर्यटक, टिकटक बनाउने, सेल्फी खिच्नेहरुको भीड ठुलो छ पशुपतितिर । पशुपतिको मूलगेटदेखि पाशुपत क्षेत्र वरपरका कुनै पनि स्थानमा सेल्फी खिच्नेहरुको क्रेज बेग्लै छ ।