काठमाडौं । साताको कारोबारको अन्तिम दिन शुक्रबार नेप्से परिसूचक घटेको छ । बिहिबारको तुलनामा नेप्से परिसूचक ३४.७० अंकले घटेर १९९२.६१  बिन्दुमा पुगेको हो । नेपाल स्टक एक्सचेन्ज (नेप्से) का अनुसार शुक्रबार कुल २१७ कम्पनीको ३० लाख ६३ हजार ४ सय ७६ कित्ता सेयर खरिद बिक्री हुँदा १ अर्ब १६ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ५ करोड ५९ लाख ८३ हजार ५ सय ५५ रुपैयाँ ४० पैसा  बराबरको सेयर कारोबार भएको हो ।

यस्तै शुक्रबारको सेयर बजारमा हिमालयन उर्जाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशतभन्दा धेरैले घटेको हो । हिमालयनको सेयरमा यस्तो गिरावट आउँदा बलेफी हाईड्रोपावर, हिमाल दोलखा हाईड्रोपावर, बेस्ट फाईनान्स र कर्णाली डेभलपमेन्टमा पनि उच्च गिरावट देखिएको छ । हेर्नुहोस् शुक्रबारको सेयर बजारमा सबैभन्दा बढी गुमाउने कम्पनीहरुको सूचीः

यसैबीच शुक्रबारको बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ५ करोड ५९ लाख ८३ हजार ५ सय ५५ रुपैयाँ ४० पैसा बराबरको सेयर कारोबार भएको हो । यस अलावा युनाईटेड आइडीआइ मर्दी आरबि हाइड्रोपावर, नेपाल लाइफ कर्पोरेशन, अरुण काबेली,नेपाल दुरसंचार कम्पनीको पनि अत्याधिक कारोबार भएको छ । हेर्नुहोस् शुक्रबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी शुक्रबारको सेयर बजारमा ग्लोबल आइएमई सम्मुनत स्किम -१ लगानीकर्ताहरुले मनग्य पैसा छापेका छन् । यस कम्पनीको सयेर मूल्य २ प्रतिशतभन्दा बढीले बढेको हो । यस अलावा नबिल इक्यती फण्ड, १.२५ % केबियाल डेभेन्चर २०८६, लक्ष्मी इक्यती फण्ड र गुराँस लघुवित्त वित्तीय संस्थाका लगानीकर्ता पनि मालामाल भएका छन्। हेर्नुहोस् शुक्रबारकोसेयर बजारमा सबैभन्दा बढी नाफा गर्ने कम्पनीहरुको सूचीः