काठमाडौं । साताको कारोबारको अन्तिम दिन शुक्रबार नेप्से परिसूचक घटेको छ । बिहिबारको तुलनामा नेप्से परिसूचक २७.२६ अंकले घटेर २०१७.४६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार शुक्रबार कुल २१२ कम्पनीको ३३ लाख २० हजार ५ सय १२ कित्ता सेयर खरिद बिक्री हुँदा १ अर्ब ४४ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको २१ करोड २ हजार ४ सय ७३ रुपैयाँ बराबरको सेयर कारोबार भएको हो ।
यस्तै शुक्रबारको सेयर बजारमा सप्तकोशी डेभलपमेन्ट बैंकका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । सप्तकोशी डेभलपमेन्ट बैंकमा यस्तो गिरावट आउँदा रुरु जल विद्युत परियोजना, सुर्यदय वोमी लघुवित्त, सिभिल लघुवित्त र हिमालयन उर्जा विकाशमा पनि उच्च गिरावट देखिएको छ । हेर्नुहोस् शुक्रबारको सेयर बजारमा सबैभन्दा बढी गुमाउने कम्पनीहरुको सूचीः
यसैबीच शुक्रबारको बजारमा पनि सबैभन्दा बढी कारोबार शिवम् सिमेन्टको भएको छ । यस कम्पनीको २१ करोड २ हजार ४ सय ७३ रुपैयाँ बराबरको सेयर कारोबार भएको हो । यस अलावा हिमालयन डिस्टिलरी,गोर्खाज फाइनान्स, नेपाल रिइन्स्योरेन्स कम्पनी र अरुण काबेलीको पनि अत्याधिक कारोबार भएको छ । हेर्नुहोस् शुक्रबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी शुक्रबारको सेयर बजारमा किसान लघुवित्त वित्तीय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ८ प्रतिशत भन्दा धेरै हो । यस अलावा गणपति लघुवित्त, नयाँ सारथी लघुवित्त , सेन्ट्रल फाइनान्स र सानिमा लार्ज क्याप फण्डका लगानीकर्ता पनि मालामाल भएका छन् । हेर्नुहोस् शुक्रबारको सेयर बजारमा सबैभन्दा बढी नाफा गर्ने कम्पनीहरुको सूचीः
