काठमाडौं । साताको कारोबारको पहिलो दिन आइतबार नेप्से परिसूचक बढेको छ । शुक्रबारको तुलनामा नेप्से परिसूचक ६१.०५ अंकले बढेर २०७८.५१ बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २१९ कम्पनीको ६४ लाख २३ हजार १ सय ५६ कित्ता सेयर खरिद बिक्री हुँदा २ अर्ब ७३ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको ३९ करोड ७१ लाख ३१ हजार ५७ रुपैयाँ बराबरको सेयर कारोबार भएको हो ।
यस्तै आइतबारको सेयर बजारमा १० % एनएमबि डेभेन्चर २०८५ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य १ प्रतिशत भन्दा धेरैले घटेको हो । १० % एनएमबि डेभेन्चरमा यस्तो गिरावट आउँदा १०.२५ % ग्लोबल आइएमइ बैंक डेभेन्चर २०८०/८१, एनआइसी एशिया ग्रोथ फण्ड, मेगा म्युचल फण्ड -१ र ग्लोबल आइएमइ बैंक डेभेन्चर २०८६/८७ मा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
यसैबीच आइतबारको बजारमा पनि सबैभन्दा बढी कारोबार शिवम् सिमेन्टको भएको छ । यस कम्पनीको ३९ करोड ७१ लाख ३१ हजार ५७ रुपैयाँ बराबरको सेयर कारोबार भएको हो । यस अलावा नेपाल रिइन्स्योरेन्स कम्पनी, हिमालयन डिस्टिलरी,एनआइसी एशिया बैंक र अरुण काबेली पावरको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी आइतबारको सेयर बजारमा सेन्ट्रल फाइनान्सका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा सम्वृद्धि फाइनान्स कम्पनी, मल्टिपर्पोज फाइनान्स कम्पनी, स्वाभिमान लघुवित्त वित्तीय संस्था र रिलायन्स फाइनान्सका लगानीकर्ता पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरुको सूचीः
