काठमाडौं । साताको कारोबारको दोश्रो दिन सोमबार नेप्से परिसूचक बढेको छ । आइतबारको तुलनामा नेप्से परिसूचक ५४.४५ अंकले बढेर २१३२.९६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार सोमबार कुल २१४ कम्पनीको ९९ लाख ४४ हजार ४८ कित्ता सेयर खरिद बिक्री हुँदा ४ अर्ब १० करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको १५ करोड २९ लाख २५ हजार ६ सय ७८ रुपैयाँ बराबरको सेयर कारोबार भएको हो ।

यस्तै सोमबारको सेयर बजारमा ९.५ % मन्जुश्री फाइनान्स डेभेन्चर २०८५ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । ९.५ % मन्जुश्री फाइनान्स डेभेन्चर २०८५ मा यस्तो गिरावट आउँदा १०.२५ % केबिएल डेभेन्चर २०८६, सिभिल बैंक डेभेन्चर २०८५ , सानिमा लार्ज क्याप फण्ड र लक्ष्मी उन्नति कोषमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः

यसैबीच सोमबारको बजारमा पनि सबैभन्दा बढी कारोबार शिवम् सिमेन्टको भएको छ । यस कम्पनीको १५ करोड २९ लाख २५ हजार ६ सय ७८ रुपैयाँ बराबरको सेयर कारोबार भएको हो । यस अलावा अरुण काबेली पावर, नेपाल दूरसंचार कम्पनी, हिमालयन डिस्टिलरी र अपर तामाकोशी हाईड्रोपपावरको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी सोमबारको सेयर बजारमा नारायणी डेभलपमेन्ट बैंक र मल्टिपर्पोज फाइनान्स कम्पनीका लगानीकर्ताहरुले मनग्य पैसा छापेका छन् । यी कम्पनीको सयेर मूल्यमा पोजेटिभ सर्किट लागेको हो । यस अलावा सुर्यदोय वोमी लघुवित्त वित्तिय संस्था, ग्रिन डेभ्लपमेन्ट बैंक र युनाईटेड मोदी हाईड्रोपावरका लगानीकर्ता पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरुको सूचीः