काठमाडौं । साताको कारोबारको चौथो दिन बुधबार नेप्से परिसूचक बढेको छ । मंगलबारको तुलनामा नेप्से परिसूचक २३.८३ अंकले बढेर २१११.९९ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २२७ कम्पनीको ७५ लाख ८ हजार १ सय ८८ कित्ता सेयर खरिद बिक्री हुँदा ३ अर्ब १६ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको १७ करोड ९४ लाख ११ हजार ८ सय ८ रुपैयाँ ३० पैसा बराबरको सेयर कारोबार भएको हो ।

यस्तै बुधबारको सेयर बजारमा कुमारी धनवृद्धि योजनाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट हो । कुमारी धनवृद्धि योजनामा यस्तो गिरावट आउँदा ८.५ % सानिमा डेभेन्चर २०८७, नबिल ब्यालेन्स फण्ड-३,९.५ % मंजुश्री फाइनान्स लिमिटेड डेभेन्चर २०८५ र सांग्रिला डेभलपमेन्ट बैंक डेभेन्चर २०८७ मा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः

यसैबीच बुधबारको बजारमा पनि सबैभन्दा बढी कारोबार शिवम् सिमेन्टको भएको छ । यस कम्पनीको १७ करोड ९४ लाख ११ हजार ८ सय ८ रुपैयाँ ३० पैसा बराबरको सेयर कारोबार भएको हो । यस अलावा अरुण काबेली पावर, गोर्खाज फाइनान्स, नेस्डो सम्बृद्ध लघुवित्त र युनिभर्सल पावर कम्पनीको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी बुधबारको सेयर बजारमा जानकी फाइनान्स कम्पनीका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा युनाईटेड मोदी हाईड्रोपावर,राष्ट्र उत्थान लघुवित्त वित्तिय संस्था, नेस्डो सम्बृद्ध लघुवित्त र जाल्पा सामुदायिक लघुवित्तका लगानीकर्ता पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरुको सूचीः