काठमाडौं । साताको कारोबारको पहिलो दिन आइतबार पनि नेप्से परिसूचक बढेको छ । शुक्राबारको तुलनामा नेप्से परिसूचक ५४.५८ अंकले बढेर २१९५.१० बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २२० कम्पनीको १ करोड १३ लाख ३९ हजार ४ सय ८६ कित्ता सेयर खरिद बिक्री हुँदा ४ अर्ब ६० करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको २१ करोड ३४ लाख १६ हजार ८ सय ६० रुपैयाँ १० पैसा बराबरको सेयर कारोबार भएको हो ।

यस्तै आइतबारको सेयर बजारमा १२% गुडविल फाइनान्स लिमिटेड डेभेन्चर २०८३ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशतभन्दा बढीले घटेको हो । १२% गुडविल फाइनान्स लिमिटेड डेभेन्चर २०८३ को सेयरमा यस्तो गिरावट आउँदा न्यास्नल हाईड्रोपावर कम्पनी, मल्टिपर्पोज फाइनान्स कम्पनी, नबिल ब्यालेन्स फण्ड-२, सिन्धु विकाश बैंक र रेलायन्स फाइनान्समा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः

यसैबीच आइतबारको बजारमा सबैभन्दा बढी कारोबार शिवम् सिमेन्टको भएको छ । यस कम्पनीको २१ करोड ३४ लाख १६ हजार ८ सय ६० रुपैयाँ १० पैसा बराबरको सेयर कारोबार भएको हो । यस अलावा नेपाल दूरसंचार कम्पनी, एशियन लाइफ इन्स्योरेन्स, हिमालयन डिष्टिलरी र न्यास्नल हाईड्रोपावरको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी आइतबारको सेयर बजारमा नेपाल इन्स्योरेन्सका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा नेको इन्स्योरेन्स, आइएमई जेनरल इन्स्योरेन्स, प्रुडेन्सियल इन्स्योरेन्स र एनएलजी इन्स्योरेन्स कम्पनीका लगानीकर्ता पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरुको सूचीः