काठमाडौं । प्रधानमन्त्री शेरबहादुर देउवाले गभर्नर महाप्रसाद अधिकारीले राजीनामा दिनुपर्ने बताएका छन् । सत्तारुढ गठबन्धनका शीर्ष नेताहरुको शुक्रबार बसेको बैठकमा प्रधानमन्त्री देउवाले गभर्नरले राजीनामा दिनुपर्ने बताएका हुन् ।
शुक्रबार बसेको गठबन्धनको बैठकमा उक्त विषयको कुरा उठेको थियो । त्यसक्रममा प्रधानमन्त्री देउवाले गभर्नर अधिकारीले राजीनामा दिनुपर्ने बताएका हुन् ।
‘नेताहरुले कुरा उठाउनु भएको थियो । प्रधानमन्त्रीले नैतिक रुपमा पनि राजीनामा दिनुपर्छ । राजीनामा दिनु बाहेक के विकल्प हुन्छ र ? भन्नु भएको छ ।’ बैठकमा सहभागी नेताले भने । नेकपा एमालेले ‘एम अधिकारी’, खोटाङको नाममा अर्थ तथा योजना विभागको सदस्यमा राखेपछि गभर्नर अधिकारी विवादमा परेका छन् ।
यता भने एमालेले बिराटनगरका सिए मनोज अधिकारीलाई ‘एम अधिकारी’ हुन् भन्ने दाबी गरेको छ । तर गभर्नर अधिकारी नै एम अधिकारी हुन् भन्दै चौतर्फी विरोध भएपछि कुनै अमुक पात्रलाई ‘एम अधिकारी’ बनाउने एमालेको प्रयास असफल हुने देखिएको छ ।
