काठमाडौं । मंगलबार नेप्से परिसूचक बढेको छ । सोमबारको तुलनामा नेप्से परिसूचक ११.६८ अंकले बढेर १९२७.२८ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २२६ कम्पनीको ४९ लाख ६७ हजार ५ सय ६१ कित्ता सेयर खरिद बिक्री हुँदा १ अर्ब ७० करोडमाथिको सेयर कारोबार भएको छ । आज सबैभन्दा बढी कारोबार अरुण काबेली पावरको भएको छ । यस कम्पनीको ७ करोड ९५ लाख ८० हजार ६ रुपैयाँ बराबरको सेयर कारोबार भएको हो ।

यस्तै मंगलबारको सेयर बजारमा नयाँ सारथी लघुवित्तका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ४ प्रतिशतभन्दा बढीले घटेको हो । नयाँ सारथीको सेयरमा यस्तो गिरावट आउँदा आरबिबि म्युचुअल फण्ड-१, नबिल इक्वीटि फण्ड, प्रभु लाईफ इन्स्योरेन्स र मानुसी लघुवित्तमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः

यसैबीच मंगलबारको बजारमा सबैभन्दा बढी कारोबार अरुण काबेली पावरको भएको छ । यस कम्पनीको ७ करोड ९५ लाख ८० हजार ६ रुपैयाँ बराबरको सेयर कारोबार भएको हो । यस अलावा गोर्खाज फाइनान्स, शिभम् सिमेन्टस्, युनाइटेड इदिमर्दी आरबि हाईड्रोपावर, हिमालयन डिष्टिलरी, लाइफ इन्स्योरेन्स कर्पोरेशन र अप्पर तामाकोशी हाईड्रोपावरको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः

यसैगरी मंगलबारको सेयर बजारमा सप्तकोशी डेभलपमेन्ट बैंकका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा एनआरएन इन्फ्राइस्ट्रक्चर एण्ड डेभलपमेन्ट कम्पनी, युनाइटेड इन्स्योरेन्स, सनराइज फस्र्ट म्युचल फण्ड, अरुण काबेली पावर र बलेफि हाईड्रोपावरका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः