काठमाडौं । साताको कारोबारको तेस्रो दिन मंगलबार पनि नेप्से परिसूचक बढेको छ । सोमबारको तुलनामा नेप्से परिसूचक १६.२७ अंकले बढेर २०४५.६९ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २१३ कम्पनीको ४४ लाख ३५ हजार ५ सय ७१ कित्ता सेयर खरिद बिक्री हुँदा १ अर्ब ७६ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको १५ करोड ९७ लाख ७१ हजार ३ सय ३७ रुपैयाँ बराबरको सेयर कारोबार भएको हो ।
यस्तै मंगलबारको सेयर बजारमा सिभिल बैंक डिबेन्चर २०८८ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशत भन्दा धेरैले घटेको हो । सिभिल बैंक डिबेन्चरमा यस्तो गिरावट आउँदा १०.२५ प्रतिशत ग्लोबल आइएमई बैंक २०८०/८१, १०.२५ प्रतिशत सनराइज बैंक डिबेन्चर २०८३, आरबिबि म्युचल फण्ड –१, तारागन रेजेन्सी होटल र नबिल डबेन्चर २०८५ मा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
यसैबीच मंगलबारको बजारमा पनि सबैभन्दा बढी कारोबार शिवम् सिमेन्टको भएको छ । यस कम्पनीको १५ करोड ९७ लाख ७१ हजार ३ सय ३७ रुपैयाँ बराबरको सेयर कारोबार भएको हो । यस अलावा एभरेष्ट बैंक, हिमालयन डिस्टिलरी। एनआइ सी एशिया बैंक, हरुण काबेली पावर, अपी पावर कम्पनी, गोर्खाज फाइनान्स, आइसिएफसि फाइनान्स, नेपाल टेलिकम र अपर तामाकोशी हाईड्रोपावरको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी मंगलबारको सेयर बजारमा इमर्जिङ्ग नेपालका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ८ प्रतिशत भन्दा धेरैले बढेको हो । यस अलावा गणपति लघुवित्त, ग्रिन भेन्चर लिमिटेड, आइसिएफसि फाइनान्स, गुहेश्वरी मर्चेन्ट बैंक एण्ड फाइनान्स, रुरु जलविद्युत परियोजना र पोखरा फाइनान्सका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः
