काठमाडौं । भदौमा पनि बाणिज्य बैंकहरुले निक्षेपको ब्याज नबढाउने भएका छन् । मौद्रिक नीतिमार्फत नेपाल राष्ट्र बैंकले नीतिगत दरहरु बढाएपछि त्यसको समिक्षाका लागि बसेको नेपाल बैंकर्स संघको बैठकले यसभन्दा अघि ब्याज नबढाउने भनी सहमति गरेको थियो । सोही सहमतिलाई आधिकारिता दिँदै सोमबार भदौ महिनामा पनि ब्याज बढाउने गरी निर्णय भएको छ ।

‘ब्याजदर बढाउँदैमा निक्षेप बढ्दैन । यो निष्कर्ष बैंकर्स संघले पहिले नी निकालिसकेका थियो । जुन निष्कर्षमा यसभन्दा अगाडीपनि सहमति भईसकेको थियो ।’ बैंकर्स संघका एक उच्च अधिकारीले अर्थ सरोकारसँग भने – ‘यसभन्दा अघि सहमति भईसकेको भएपति यसपाली भने आधिकारिक रुपमा निर्णय गरिएको हो । अर्थात भदौ महिनामा पनि पुरानै ब्याजदरलाई निरन्तरता दिइनेछ । बरु राष्ट्र बैंकको निर्देशन अनुसार संस्थागत निक्षेपकर्ताको ब्याज व्यक्तिगत मुद्धती निक्षेपको तुलनामा २ प्रतिशत बिन्दुले घट्छ ।’

अव वाणिज्य बैंकहरूले एक वर्षे मुद्दती निक्षेपमा अधिकत ११.०३ प्रतिशत ब्याजदर प्रकाशित गर्नेछन् भने एक वर्षे संस्थागत मुद्दती निक्षेपको हकमा ९.०३ प्रतिशत र साधारण बचतको ६.०३ प्रतिशत ब्याज हुनेछ । पछिल्ला चार महिनायतादेखि निक्षेपमा ब्याज बढेको छैन ।

यता निक्षेपको ब्याज नबढेपनि कर्जाको ब्याज भने बढिरहेको छ । साउनदेखि कर्जाको ब्याजदर फेरि बढेको छ । राष्ट्र बैंकले नीतिगत दरहरु बढाएकाले बैंकहरुको लागत बढ्दा आधार दर बढी कर्जाको ब्याजदरसमेत बढेको हो ।