काठमाडौं । अन्तराष्ट्रिय बजारमा कच्चा तेलको मुल्यमा वृद्धि भएसँगै नेपालमा पनि तेलको मुल्यमा पुनः वृद्धि हुनसक्ने संकेत देखिएको छ । हाल विश्व बजारमा कच्चा तेलको मुल्य तीन साताकै उच्च बिन्दुमा पुगेको छ ।

ओपेकले कच्चा तेलको उत्पादनमा कटौती गर्न सक्ने प्रबल सम्भावना र तेल उत्पादन देशहरुमार्फत कुनै पनि कटौतीले तेलको मुल्या आकाशिन सक्नेछ । हाल विश्व बजारमा अमेरिकी क्रुड ३४ सेण्टले बढेर प्रति ब्यारेल ९५.२३ डलर पुगेको छ भने ब्रेण्ट क्रुड प्रति बयारेल ५१ सेण्टले बढेर १०१.७३ पुगेको थियो ।

तेहरानले विश्वका शक्तिहरुसँग आणविक सम्झौता गरेमा इरानको तेल बजारमा फिर्ता हुने सम्भावना रहेको विज्ञहरुको विश्वास छ । सोहि समयमा इरानले सन् २०१५को आणविक सम्झौतालाई पुनः सुचारु गर्न अमेरिकाबाट सकारात्मक प्रतिक्रिया प्राप्त भएको बताएको छ । यद्यपी, हालसम्म परमाणु सम्झौताको मुद्दामा इरान र अमेरिका दुबै मुलुकबाट कुनै आधिकारिक जानकारी आएको छैन । विश्व बजारमा कच्चा तेलको मूल्य बढेमा नेपालमा पनि तेलको मूल्य पुनः बढ्न सक्ने छ ।