काठमाडौं । नेपाल स्टक एक्सचेन्ज नेप्सेमा हिमालयन एभरेष्ट इन्स्योरेन्सको सेयर सुचिकृत भएको छ । साविकको हिमालयन जनरल इन्स्योरेन्स र एभरेष्ट इन्स्योरेन्स मर्ज भई बनेको हिमालयन एभरेष्ट इन्स्योरेन्सको २ करोड २३ लाख ९९ हजार ३ सय ६७ कित्ता सेयर सुचिकृत भएको हो ।

कम्पनीको HEI सिम्बल बाट कारोबार हुने छ । कम्पनीको पहिलो कारोबार ५१० रुपैयाँ ४८ पैसामा हुने कम्पनीले जनाएको छ । साविकको हिमालयन जनरल इन्स्योरेन्स र एभरेष्ट इन्स्योरेन्स मर्ज भई साउन १ गतेबाट हिमालयन एभरेष्ट इन्स्योरेन्सको नामबाट एकिकृत कारोबार भएको हो ।

१००:८५ को स्वापमा २ कम्पनी मर्ज भएका हुन् । जस अनुसार एभरेष्ट इन्सोरेन्स कम्पनी लि.को १०० कित्ता सेयर बराबर हिमालयन जनरल इन्स्योरेन्स कम्पनी लि. को ८५ कित्ता (१:०.८५) सेयर पाउने छन् । दुवै कम्पनीले बैशाख २३ गते एक आपसमा मर्जमा जाने सम्झौतामा हस्ताक्षर गरेका थिए ।