">
काठमाडौं । नेपाल पुनर्बीमा कम्पनीको भदौ ३० गते ७ औँ वार्षिक साधारण सभा हुने भएको छ । सभा कार्की ब्यांकेट बबरमहल काठमाडौँमा बिहान ११ बजे सुरु हुने भएको छ । उक्त सभामा आर्थिक वर्ष २०७७/०७८ को नाफाबाट लगानीकर्तालाई ५ प्रतिशत बोनस सेयर र कर प्रयोजन सहित गरेर ०.२६५ नगद लाभांश वितरण गर्ने प्रस्ताव पेश गर्ने भएको छ ।
कम्पनीले भदौ १९ गते बुक क्लोज गर्ने भएको छ । भदौ १८ गतेसम्म कायम रहने सेयरधनीले मात्र सभामा भाग लिन सक्नेछन् । कम्पनीको नियमावली संशोधन गर्नुपरेमा त्यसको अख्तियारी सञ्चालक समितिलाई दिने एजेण्डा पनि रहेको छ ।
सभामा आर्थिक वर्ष २०७७/७८ को वासलात, नाफा-नोक्सान र नगद प्रवाहमाथि छलफल हुनेछ । आर्थिक वर्ष २०७८/७९ का लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेण्डा पनि रहेको छ ।
