काठमाडौं । साताको कारोबारको तेश्रो दिन मंगलबार नेप्से परिसूचक घटेको छ । सोमबारको तुलनामा नेप्से परिसूचक २.८१ अंकले घटेर २१९३.४३ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २१७ कम्पनीको ७८ लाख १३ हजार १ सय २ कित्ता सेयर खरिद बिक्री हुँदा ३ अर्ब २९ करोडमाथिको सेयर कारोबार भएको छ । आज पनि सबैभन्दा बढी कारोबार शिवम् सिमेन्टको भएको छ । यस कम्पनीको २९ करोड ३२ लाख २७ हजार १ सय ५६ रुपैयाँ १० पैसा बराबरको सेयर कारोबार भएको हो ।
यस्तै मंगलबारको सेयर बजारमा राष्ट्र उत्थान लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ४ प्रतिशतभन्दा बढीले घटेको हो । राष्ट्र उत्थानको सेयरमा यस्तो गिरावट आउँदा १२% गुडविल फाइनान्स लिमिटेड डेभेन्चर २०८३ , किसान लघुवित्त वित्तीय संस्था, गणपति लघुवित्त वित्तीय संस्था, सपोर्ट माइक्रोफाइनान्स र लक्ष्मी उन्नति कोषमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
यसैबीच मंगलबारको बजारमा सबैभन्दा बढी कारोबार शिवम् सिमेन्टको भएको छ । यस कम्पनीको २९ करोड ३२ लाख २७ हजार १ सय ५६ रुपैयाँ १० पैसा बराबरको सेयर कारोबार भएको हो । यस अलावा हिमालयन डिष्टिलरी, फरवार्ड माइक्रोफाइनान्स, गुडविल फाइनान्स लिमिटेड, युनाईटेड आइडिआइ मर्दी आरबि हाईड्रोपावर र नेस्दो सम्बृद्ध लघुवित्तको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः
यसैगरी मंगलबारको सेयर बजारमा बिन्ध्याबासिनी हाईड्रोपावरका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरै हो । यस अलावा समलिंग पावर कम्पनी, हिमाल दोलखा हाईड्रोपावर, रिभर फल्स पावर लिमिटेड र फरवार्ड माइक्रोफाइनान्सका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः
