">
काठमाडौं । अरुण काबेली पावर कम्पनीले बोनस सेयर दिने घोषणा गरेको छ । कम्पनीको आइतबार बसेको संचालक समितिको बैठकले १० प्रतिशत बोनस सेयर वितरण गर्ने निर्णय गरेको हो ।
बोनसमा लाग्ने कर भने सेयरधनी आफैले तिर्नुपर्ने भएको छ । प्रस्तावित बोनस सेयर आगामी वार्षिक साधारण सभाले अनुमोदन गरेपछि मात्र वितरण हुने कम्पनीले जनाएको छ ।
कम्पनीले हाल कायम १ अर्ब ८५ करोड ५२ लाख रुपैयाँ चुक्ता पुँजीमा उक्त बोनस प्रस्ताव गरेको हो । प्रस्तावित बोनस सेयर वितरण भएमा चुक्ता पुँजी २ अर्ब ४ करोड ७ लाख ३१ हजार ५५० रुपैयाँ पुग्नेछ ।
गत वर्ष भने कम्पनीले १७ प्रतिशत बोनस सेयर र कर तिर्न ०.८९ प्रतिशत नगद लाभांश दिएको थियो ।
