काठमाडौं । सरकारले लामो समयदेखि रोकिएको कारोना बिमाको दाबी भुक्तानीका लागि १ अर्ब बराबरको बजेट निकासा गर्ने भएको छ । गतसाता क्याबिनेटले १ अर्ब निकासा गर्ने निर्णय गरेसँगै अव भुक्तानी लिन बाँकी रहेका बिमितले दाबी रकम पाउने भएका छन् ।
‘पटक–पटकको ध्यानकर्षणपछि सरकारले समस्या सम्बोधन गरेको छ । कोरोना महामारीका समयमा नागरिकको सुरक्षारार्थ बीमा पोलिसी सुरु गरेका थियौँ ।’ बीमा समितिका एक सदस्यले भने, ‘सरकारले यसअघि नै कोरोना बीमाको भुक्तानीका लागि १ अर्ब निकासा गर्ने भनेको छ । तर, अहिलेसम्म खातामा पैसा आएको छैन । पैसा आउने बित्तिकै बाँकी भुक्तानीका लागि प्रक्रिया अगाडी बढाउछौँ ।’
यसो त यसभन्दा अघि अर्थमन्त्री जनार्दन शर्माले छिट्टै कोरोन बीमाको बाँकी रहेको दाबि रकम भुक्तानीमा सरकार सकरात्मक भएको अभिव्यक्ति दिएका थिए । उनले सार्वजिक रुपमै कोरोना बीमा भुक्तानीका लागि बजेट निकासा गर्ने प्रतिबद्दतासमेत गरेका थिए । सोहि अनुसार अर्थ मन्त्रालयबाट १ अर्ब रूपैयाँ निकासा गर्ने निर्णय गरेको बीमा समितिले जानकारी दिएको छ ।
कोरोना बीमा मार्गनिर्देशन २०७७ अनुसार १७ लाख ५८ हजार ३४३ जनाले कोरोना बीमा गरेको थिए । जसमध्ये १ लाख ६५ हजार ५९ बीमितले १५ अर्ब ८२ करोड २१ लाख ७१ हजार ५५४ रूपैयाँ बराबरको दावी परेको थियो । दाबी रकममध्ये बीमा कम्पनी, पुनर्बीमा कम्पनी र बीमा समिति समेतबाट ३ अर्ब ५० करोड दावी भुक्तानी भएको छ । अब सरकारको दायित्वमा १२ अर्ब ३२ करोड भन्दा बढी दावी भुक्तानी तिर्न बाँकी छ । साढे ३ अर्ब भन्दा बढीको दायित्व सकारले लिने गरी कोरोना बीमा मार्गदर्शन आएको थियो ।
