काठमाडौं । नबिल बैंकले ‘नबिल जेन अल्फा’ एप्लिेकेशन सार्वजनिक गरेको छ । बुधबार बाल दिवशको अवसरमा एक कार्यक्रम आयोजना गर्दै बैंकले ‘नबिल जेन अल्फा’ लन्च गरेको हो ।
‘जेन अल्फा’ले बालबच्चाको व्यक्तित्व विकाससँगै सामाजिक बानी विकासका लागि सहयोग गर्ने बैंकले जनाएको छ । एपमार्फत अभिभावकले विभिन्न कार्य तोक्न सक्नेछन् । बालबालिकाले सो एपमार्फत अभिभावकले तोकेको काम ‘टास्क’का रुपमा सम्पन्न गर्नुपर्ने हुन्छ । यसरी गरिने कामको अभिभावकले मुल्य समेत तोक्न सक्नेछन् ।
यसरी तोकिएको काम सम्पन्न गरेको आधारमा अभिभावकले निश्चित रकम आफ्नो बच्चाको खातामा पठाउन सक्छन् । अभिभावकको रकमान्तरको यस्तो आदेश बैंकलाई दिएर बैंकले नै एप मार्फत् बच्चाले पुरा गरेको कामको आधारमा रकम बच्चाको खातामा जम्मा गरिदिन पनि सक्छ । यस्तो बचत खातामा ६.०३ प्रतिशत ब्याजदर हुनेछ । बच्चाको बचत ३० हजारभन्दा धेरै पुगेपछि सोही खातामा १० हजार रहनेगरि बाँकी रकम बैंकले सञ्चयी (क्युमुलेटिभ) मुद्दती खातामा जम्मा गरिदिनेछ । यस्तो खातामा भने ९.०३ प्रतिशत ब्याज प्राप्त हुनेछ ।
तस्विरमा हेर्नुहोस् बुधबार गरिएको ‘नबिल जेन अल्फा’ लन्च कार्यक्रमका केही झलकहरुः
