काठमाडौं । साताको कारोबारको चौथो दिन बुधबार नेप्से परिसूचक बढेको छ । मंगलबारको तुलनामा नेप्से परिसूचक ६.४१ अंकले बढेर १८३७.४६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २२१ कम्पनीको १३ लाख ७० हजार ४ सय ७७ कित्ता सेयर खरिद बिक्री हुँदा ४८ करोडमाथिको सेयर कारोबार भएको छ । आज सबैभन्दा बढी कारोबार न्याशनल माइक्रोफाइनान्स लघुवित्त वित्तिय संस्थाको भएको छ । यस कम्पनीको ४ करोड ७५ लाख ९७ हजार ८ सय ४५ रुपैयाँ बराबरको सेयर कारोबार भएको हो ।

यसैगरी बुधबारको सेयर बजारमा मन्दाकिनी हाइड्रोपावर लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको हो । यस अलावा अभियान लघुवित्त वित्तिय संस्था, सपोर्ट माइक्रोफाइनान्स लघुवित्त वित्तिय संस्था, न्यादी हाइड्रोपावर, पञ्चकन्या माई हाइड्रोपावर र विजया लघुवित्त वित्तिय संस्थाका लगानीकर्ता पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बुधबारको सेयर बजारमा सबैभन्दा बढी कारोबार न्याशनल माइक्रोफाइनान्स लघुवित्त वित्तिय संस्थाको भएको छ । यस कम्पनीको ४ करोड ७५ लाख ९७ हजार ८ सय ४५ रुपैयाँ बराबरको सेयर कारोबार भएको हो । यस अलावा नबिल बैंक लिमिटेड, रिडी पावर कम्पनी, हिमालयन डिस्टिलरी, नेपाल दूरसंचार कम्पनी र नेपाल लाइफ इन्स्योरेन्सको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बुधबारको सेयर बजारमा ग्लोबल आइएमइ ब्यालेन्स फण्ड- १ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । ग्लोबल आइएमइ ब्यालेन्स फण्ड- १ को सेयरमा यस्तो गिरावट आउँदा राप्ती हाईड्रो एण्ड जेनेरल कन्स्ट्रक्सन, हिमालयन पावर पार्टनर, बिन्ध्यबासिनी हाइड्रोपावर डेभलपमेन्ट, एभरेस्ट बैंक लिमिटेड र सिद्धार्थ इन्भेस्टमेन्ट ग्रोथ स्किम-२ मा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः