काठमाडौं । साताको कारोबारको अन्तिम दिन शुक्रबार नेप्से परिसूचक घटेको छ । बिहिबारको तुलनामा नेप्से परिसूचक १.६७ अंकले घटेर १९७०.६२ बिन्दुमा पुगेको हो । नेपाल स्टक एक्सचेन्ज (नेप्से) का अनुसार शुक्रबार कुल २१९ कम्पनीको १८ लाख ०१ हजार २ सय ७३ कित्ता सेयर खरिद बिक्री हुँदा ६९ करोडमाथिको सेयर कारोबार भएको छ । आज पनि सबैभन्दा बढी कारोबार नेपाल दूरसंचार कम्पनीको भएको छ । यस कम्पनीको १० करोड ०४ लाख ९८ हजार ८ सय ४८ रुपैयाँ ७० पैसा बराबरको सेयर कारोबार भएको हो ।
यसैगरी शुक्रबारको सेयर बजारमा सपोर्ट माइक्रोफाइनान्स कम्पनीका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको हो । यस अलावा रुरु जलविद्युत परियोजना, सामुदायिक लघुवित्त वित्तिय संस्था, मानुषी लघुवित्त वित्तिय संस्था, अपर हेवाखोला हाईड्रोपावर कम्पनी र चिलिमे हाईड्रोपावर कम्पनीका लगानीकर्ता पनि मालामाल भएका छन् । हेर्नुहोस् शुक्रबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच शुक्रबारको सेयर बजारमा सबैभन्दा बढी कारोबार नेपाल दूरसंचार कम्पनीको भएको छ । यस कम्पनीको १० करोड ०४ लाख ९८ हजार ८ सय ४८ रुपैयाँ ७० पैसा बराबरको सेयर कारोबार भएको हो । यस अलावा नबिल बैंक लिमिटेड, अरुण काबेली पावर, रिडी पावर कम्पनी, शिवम् सिमेन्ट र सोल्टी होटल लिमिटेडको पनि अत्याधिक कारोबार भएको छ । हेर्नुहोस् शुक्रबारको सेयर बजारमा सर्वाधिक कारोबार हुने कम्पनीहरुको सूचीः
यस्तै शुक्रबारको सेयर बजारमा सिद्धार्थ इन्भेस्टमेन्ट ग्रोथ स्किम -२ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशत भन्दा धेरैले घटेको हो । सिद्धार्थको सेयरमा यस्तो गिरावट आउँदा बुद्ध भुमि नेपाल हाईड्रोपावर, सप्तकोशी डेभलपमेन्ट बैंक, महुली लघुवित्त वित्तिय संस्था, नारायणी डेभलपमेन्ट बैंक र दोर्दी खोला जलविद्युत कम्पनीमा पनि उच्च गिरावट देखिएको छ । हेर्नुहोस् शुक्रबारको सेयर बजारमा सबैभन्दा बढी गुमाउने कम्पनीहरुको सूचीः
