काठमाडौं । साताको कारोबारको तेश्रो दिन मंगलबार नेप्से परिसूचक घटेको छ । सोमबारको तुलनामा नेप्से परिसूचक १.०८ अंकले घटेर १९५१.७९ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २२७ कम्पनीको ३२ लाख ९ हजार ९ सय ८३ कित्ता सेयर खरिद बिक्री हुँदा १ अर्ब १९ करोडमाथिको सेयर कारोबार भएको छ । आज सबैभन्दा बढी कारोबार हिमालयन एभरेस्ट इन्स्योरेन्सको भएको छ । यस कम्पनीको ९ करोड १४ लाख १८ हजार ७ सय २६ रुपैयाँ ४० पैसा बराबरको सेयर कारोबार भएको हो ।
यसैगरी मंगलबारको सेयर बजारमा उन्नति सहकार्य लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशत भन्दा धेरैले बढेको हो । यस अलावा एनएमबि हाईब्रिड फण्ड एल-१, सामुदायिक लघुवित्त वित्तिय संस्था, मन्दाकिनी हाइड्रोपावर लिमिटेड, एनआइसी एशिया ग्रोथ फण्ड र नबिल इक्युटि फण्डका लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच मंगलबारको सेयर बजारमा सबैभन्दा बढी कारोबार हिमालयन एभरेस्ट इन्स्योरेन्सको भएको छ । यस कम्पनीको ९ करोड १४ लाख १८ हजार ७ सय २६ रुपैयाँ ४० पैसा बराबरको सेयर कारोबार भएको हो । यस अलावा रिडी पावर कम्पनी, नबिल बैंक लिमिटेड, सानिमा माई हाइड्रोपावर, नबिल बैंक लिमिटेड र नेपाल लाइफ इन्स्योरेन्सको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः
यस्तै मंगलबारको सेयर बजारमा सानिमा माई हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशत भन्दा धेरैले घटेको हो । सानिमाको सेयरमा यस्तो गिरावट आउँदा हिमालयन एभरेस्ट इन्स्योरेन्स, जोशी हाइड्रोपावर डेभलपमेन्ट, रुरु जलविद्युत परियोजना, रिभर फल्स पावर र विन नेपाल लघुवित्तमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
