काठमाडौं । साताको कारोबारको अन्तिम दिन शुक्रबार नेप्से परिसूचक घटेको छ । बिहीबारको तुलनामा नेप्से परिसूचक १४.१० अंकले घटेर १९१०.३८ बिन्दुमा पुगेको हो । नेपाल स्टक एक्सचेन्ज (नेप्से) का अनुसार शुक्रबार कुल २२० कम्पनीको २९ लाख १६ हजार २ सय ७१ कित्ता सेयर खरिद बिक्री हुँदा ९० करोडमाथिको सेयर कारोबार भएको छ । आज सबैभन्दा बढी कारोबार रिडी पावर कम्पनीको भएको छ । यस कम्पनीको ४ करोड २३ लाख ३२ हजार ६ सय ७७ रुपैयाँ बराबरको सेयर कारोबार भएको हो ।

यसैगरी शुक्रबारको सेयर बजारमा नबिल ब्यालेन्स फण्ड-२ का लगानीकर्ताहरुले मनग्य पैसा छापेका छन् । यस कम्पनीको सयेर मूल्य ७ प्रतिशत भन्दा धेरैले बढेको हो । यस अलावा बुद्धभुमि नेपाल हाइड्रोपावर कम्पनी, अपर हेवाखोला हाइड्रोपावर कम्पनी, लाइफ इन्स्योरेन्स कर्पोरेशन, हिमालयन एभरेस्ट इन्स्योरेन्स र उन्नति सहकार्य लघुवित्त वित्तिय संस्थाका लगानीकर्ता पनि मालामाल भएका छन् । हेर्नुहोस् शुक्रबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच शुक्रबारको सेयर बजारमा सबैभन्दा बढी कारोबार रिडी पावर कम्पनीको भएको छ । यस कम्पनीको ४ करोड २३ लाख ३२ हजार ६ सय ७७ रुपैयाँ बराबरको सेयर कारोबार भएको हो । यस अलावा हिमालयन डिस्ट्रिलरी, नबिल बैंक लिमिटेड, नेपाल लाइफ इन्स्योरेन्स, अपि पावर कम्पनी र शिवम् सिमेन्टको पनि अत्याधिक कारोबार भएको छ । हेर्नुहोस् शुक्रबारको सेयर बजारमा सर्वाधिक कारोबार हुने कम्पनीहरुको सूचीः

यस्तै शुक्रबारको सेयर बजारमा मिर्मिरे माइक्रोफाइनान्स डेभलपमेन्ट बैंकका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । मिर्मिरे माइक्रोफाइनान्सको सेयरमा यस्तो गिरावट आउँदा रिभर फल्स पावर लिमिटेड, अपर सोलु हाइड्रो इलेक्ट्रिक कम्पनी, ग्रिन डेभलपमेन्ट बैंक, एनएमबि ५० र कर्पोरेट डेभलपमेन्ट बैंकमा पनि उच्च गिरावट देखिएको छ । हेर्नुहोस् शुक्रबारको सेयर बजारमा सबैभन्दा बढी गुमाउने कम्पनीहरुको सूचीः