काठमाडौं । साताको कारोबारको पहिलो दिन आइतबार नेप्से परिसूचक घटेको छ । शुक्रबारको तुलनामा नेप्से परिसूचक ३३.९७ अंकले घटेर १८७६.४१ बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २२९ कम्पनीको ६२ लाख ९६ हजार ४ सय ४५ कित्ता सेयर खरिद बिक्री हुँदा १ अर्ब ६० करोडमाथिको सेयर कारोबार भएको छ । आज सबैभन्दा बढी कारोबार लक्ष्मी बैंक लिमिटेडको भएको छ । यस कम्पनीको २१ करोड ३८ लाख ४४ हजार १ सय ८२ रुपैयाँ ४० पैसा बराबरको सेयर कारोबार भएको हो ।
यसैगरी आइतबारको सेयर बजारमा ग्लोबल आइएमइ समुन्नत स्किम-१ का लगानीकर्ताहरुले मनग्य पैसा छापेका छन् । यस कम्पनीको सयेर मूल्य ५ प्रतिशत भन्दा धेरैले बढेको हो । यस अलावा नेपाल ल्युब आयल लिमिटेड, लक्ष्मी बैंक लिमिटेड, आदर्श लघुवित्त वित्तिय संस्था, एनआइसी एशिया ब्यालेन्स फण्ड र विन नेपाल लघुवित्त वित्तिय संस्थाका लगानीकर्ता पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच आइतबारको सेयर बजारमा सबैभन्दा बढी कारोबार लक्ष्मी बैंक लिमिटेडको भएको छ । यस कम्पनीको २१ करोड ३८ लाख ४४ हजार १ सय ८२ रुपैयाँ ४० पैसा बराबरको सेयर कारोबार भएको हो । यस अलावा प्रभु बैंक लिमिटेड प्रमोटर सेयर, नेपाल दूरसंचार कम्पनी, नेपाल लाइफ इन्स्योरेन्स, रिडी पावर कम्पनी र नबिल बैंक लिमिटेडको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः
यस्तै आइतबारको सेयर बजारमा बलेफी हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशत भन्दा धेरैले घटेको हो । बलेफीको सेयरमा यस्तो गिरावट आउँदा राप्ती हाइड्रो एण्ड जेनेरल कन्स्ट्रक्सन, दोर्दी खोला जल विद्युत कम्पनी, माउनटेन हाइड्रो नेपाल लिमिटेड, युनाईटेड आइडिआइ मर्दी आरबि हाइड्रोपावर र दिव्यश्वरी हाइड्रोपावरमा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
