×

Live on

रेडियो अर्थ सरोकार

Listen to live radio.

laxmi sunrise bank

साइनबोर्डको शुल्क तिर्न महानगरको ताकेता, तोकिएको भन्दा ठूलो साइनबोर्ड राखेको पाइएमा हटाउने चेतावनी

काठमाडौं । काठमाडौं महानगरपालिकाले साइनबोर्डको शुल्क बुझाउन ३० दिने अल्टिमेटम जारी गरेको छ । शुक्रबार एक सूचना जारी गर्दै महानगरले आफ्नो व्यापार व्यवसयाको साइनबोर्डको शुल्क नबुझाका व्यक्ति वा संस्थालाई शुल्क बुझाउन तोकता गरेको हो ।

महानगरपालिकाभित्र केही व्यक्ति, संस्थाले आफ्नो कार्यस्थलमा राखेको साइनबोर्डको शुल्क नतिरेको पाइएपछि शुल्क तिर्नका लागि सूचना जारी गरेको महानगरपालिकाले जनाएको छ । महानगरपालिकाले सूचना अनुसार अल्टिमेटम जारी भएको दिनदेखि ३० दिनभित्रमा शुल्क तिर्नुपर्नेछ ।

व्यवसायको परिचय पार्टीको शुल्क नबुझाएका व्यक्ति, संस्थाले ३० दिनसम्म आफ्नो व्यवसाय सञ्चालन हुँदै आएको वडाको वडा कार्यालयमा गएर शुल्क तिर्न सक्नेछन् । शुल्क नबुझाए वा तोकिएकोभन्दा ठूलो साइनबोर्ड राखेको पाइएमा त्यस्ता साइनबोर्ड महानगरपालिकाले तत्काल हटाउने चेतावनीसमेत दिइएको छ ।

६ वर्गफुटसम्म एक वटा मात्र साइनबोर्ड राखेको भए ५०० शुल्क लाग्नेछ । यस्तै १५ वर्गफुटसम्म १५०० र ३० वर्गफुटसम्म प्रतिवर्ग फुट १००० का दरले शुल्क लाग्ने महानगरले जनाएको छ । ३० वर्गफुटभन्दा माथिको साइनबोर्ड राख्न निषेध गरिएको महानगरले जनाएको छ ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: