काठमाडौं । आगामी मंसिर ४ गतेको प्रतिनिधि तथा प्रदेश सभाको निर्वाचनका लागि चुनावी संकल्पपत्र (घोषणापत्र) सार्वजनिक गरेको छ । शनिबार पार्टीको केन्द्रीय कार्यालय सानेपामा पत्रकार सम्मेलनको आयोजना गर्दै पार्टी सभापति एवम् प्रधानमन्त्री शेर बहादुर देउवाले घोषणापत्र सार्वजनिक गरेका हुन् ।
नेपाली कांग्रेसले निर्वाचनलाई लक्षित गर्दै सार्वजनिक गरेको घोषणापत्रमाद पाँच वर्षभित्र १२ लाख ५० हजार रोजगारी सिर्जना गर्ने र न्यूनतम् वार्षिक सात प्रतिशतको आर्थिक वृद्धिदर कायम गर्ने प्रतिबद्धता जनाइएको छ ।
‘ओम्निबस’ आर्थिक सुधारको नयाँ चरण प्रारम्भ गर्दै अर्थतन्त्रमा स्वदेशी उत्पादनमूलक उद्योगको अंश पाँच दशमलव छ प्रतिशतबाट नौ प्रतिशत कायम गर्ने नीति कांग्रेसले सार्वजनिक गरेको संकल्पपत्रमा लिइएको छ ।
साथै समसामयिक राजनीति, निरन्तरतामा नवीनता, सम्मुन्नत नेपालको मार्गचित्रलगायतका विषयवस्तु समेटिएको छ । सङ्कल्पपत्र तयारी समितिका संयोजक विश्वप्रकाश शर्माले बिपीकालीन दस्तावेजदेखि स्थानीय तहसम्म पार्टीका तर्फबाट घोषणा गरिएको विषयवस्तुका आधारमा घोषणापत्र तयार गरिएको बताएका छन् ।
