काठमाडौं । होटल तथा रेष्टुरेन्टलाई मेनुमा उल्लेख भएबाहेक ग्राहकबाट अतिरिक्त रकम नउठाउन वाणिज्य, आपूर्ति तथा उपभोक्ता संरक्षण विभागले सचेत गराएको छ । होटल तथा रेष्टुरेन्टले त्यसरी रकम असुलेको गुनासो बढ्न थालेपछि विभागले विज्ञप्ती नै सार्वजनिक गर्दै मेनु मूल्यबाहेकको सेवा शुल्क र भ्याट जोडेर रकम नउठाउन आग्रह गरेको हो ।

अतिरिक्त सेवा शुल्क र भ्याट जोडेरै मेनु निर्धारण हुने भएकाले मेनु बाहेकको रकम उठाउने कार्य उपभोक्ता संरक्षण ऐन विरुद्ध भएको विभागले जनाएको छ । यस्तो कार्य उपभोक्ता संरक्षण ऐन, २०७५ तथा मूल्य अभिवृद्धि कर नियमावली, २०५३ को व्यवस्था विरुद्ध हुने समेत विभागले स्पष्ट पारेको छ ।

त्यस्तै विभागले विज्ञप्तीमार्फत होटल तथा रेष्टुरेन्टलाई मेनु तयार गर्दा नियमानुसार उपभोक्ताले तिर्नुपर्ने सबै किसिमको सेवा शुल्क तथा कर रकम सहितको अन्तिम उपभोक्ता मूल्य उल्लेख गर्न आग्रह गरेको छ ।

यसरी होटल तथा रेष्टुरेन्टले मेनुका उल्लेख भए बाहेकको रकम असुलेको पाइएमा उपभोक्ता संरक्षण ऐन, २०७५ तथा नियमावली, २०७६ बमोजिम कार्वाही गर्ने विभागले चेतावनी समेत दिएको छ ।

यस्तो छ विभागले जारि गरेको सूचना: