काठमाडौं । लजको कोठाभित्र गोप्य रुपमा अश्लिल भिडियो रेकर्ड गर्ने व्यक्ति पक्राउ परेका छन् । बिहीबार काठमाडौं महानगरपालिका ३ बाँसवारीस्थित रेष्ट्रो एण्ड लजका म्यानेजर ४२ वर्षीय मुकेश मालीलाई प्रहरीले पक्राउ गरेको हो ।
मालीले लजमा बस्न आउने गेष्टहरुको गोप्य रुप्मा अश्लिल भिडियो बनाएको भन्ने सूचनाका आधारमा उनलाई पक्राउ गरिएको प्रहरीले जनाएको छ ।
‘उनले पहिलेदेखि नै ग्राहकको अश्लिल भिडियो बनाउने रहेछन्’, प्रहरी वृत्त महारजगञ्जका एक प्रहरी प्रतिनिधिले भने, ‘उनको मोबाइलमा विभिन्न व्यक्तिहरुको अश्लील भिडियो समेत फेला परेको छ ।’ उनको साथबाट प्रहरीले आइफोन १२ प्रो म्याक्स पनि बरामम गरेको छ ।
माली विरुद्ध मुलुकी अपराध संहिता २०७४ को परिच्छेद ५ को ‘सार्वजनिक हित, स्वास्थ्य, सुरक्षा, सुविधा र नैतिकता विरुद्धका कसूर’ अन्तर्गत दफा ११८ ‘अभद्र व्यवहार गर्न नहुने’ मुद्दामा जिल्ला प्रशासन कार्यालय काठमाडौंबाट पाँच दिनको म्याद गरी प्रहरी वृत्त महाराजगञ्जबाट थप अनुसन्धान भई रहेको प्रहरीले जनाएको छ ।
