काठमाडौं । साताको कारोबारको अन्तिम दिन बिहिबार नेप्से परिसूचक बढेको छ । बुधबारको तुलनामा नेप्से परिसूचक ४.१५ अंकले बढेर १८७०.६३ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २२२ कम्पनीको २६ लाख ९८ हजार ३ सय ४७ कित्ता सेयर खरिद बिक्री हुँदा ८२ करोडमाथिको सेयर कारोबार भएको छ । आज सबैभन्दा बढी कारोबार नबिल बैंक लिमिटेडको भएको छ । यस कम्पनीको ३ करोड ४० लाख ३५ हजार २ सय २ रुपैयाँ ६० पैसा बराबरको सेयर कारोबार भएको हो ।

यसैगरी बिहीबारको सेयर बजारमा अभियान लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा रुरु जलविद्युत परियोजना, सामुदायिक लघुवित्त वित्तिय संस्था, शिवम् सिमेन्ट, सबैको लघुवित्त वित्तिय संस्था र दोर्दी खोला जल विद्युत कम्पनीका लगानीकर्ता पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार नबिल बैंक लिमिटेडको भएको छ । यस कम्पनीको ३ करोड ४० लाख ३५ हजार २ सय २ रुपैयाँ ६० पैसा बराबरको सेयर कारोबार भएको हो । यस अलावा नेपाल लाइफ इन्स्योरेन्स, शिवम् सिमेन्ट, रिडी पावर कम्पनी, हिमालयन डिष्टिलरी र गोर्खाज फाइनान्सको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बिहीबारको सेयर बजारमा सिटिजन्स म्युचुअल फण्ड- २ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ४ प्रतिशत भन्दा धेरैले घटेको हो । सिटिजन्स म्युचुअल फण्डको सेयरमा यस्तो गिरावट आउँदा एभरेस्ट बैंक लिमिटेड, ८.५ % नेपाल इन्भेस्टमेन्ट बैंक डेबेन्चर २०८४, ग्लोबल आइएमई समुन्नत स्किम-१, गणपति लघुवित्त वित्तिय संस्था र बिन्ध्याबासिनी हाइड्रोपावर डेभलपमेन्टमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः