काठमाडौं । साताको कारोबारको पहिलो दिन आइतबार नेप्से परिसूचक घटेको छ । बिहीबारको तुलनामा नेप्से परिसूचक ९.६९ अंकले घटेर १८६०.९४ बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २२१ कम्पनीको २५ लाख ७४ हजार ७ सय ८५ कित्ता सेयर खरिद बिक्री हुँदा ८० करोडमाथिको सेयर कारोबार भएको छ । आज सबैभन्दा बढी कारोबार एभरेस्ट बैंक लिमिटेडको भएको छ । यस कम्पनीको ८ करोड ४७ लाख ५९ हजार ७ सय ३९ रुपैयाँ ७० पैसा बराबरको सेयर कारोबार भएको हो ।
यसैगरी आइतबारको सेयर बजारमा अभियान लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ९ प्रतिशतले बढेको हो । यस अलावा स्टाण्डर चार्टर्ड बैंक, एभरेस्ट बैंक लिमिटेड, नेपाल एसबिआइ बैंक, रिलायन्स फाइनान्स र राप्ती हाइड्रो एण्ड जेनेरल कन्स्ट्रक्सनका लगानीकर्ता पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच आइतबारको सेयर बजारमा सबैभन्दा बढी कारोबार एभरेस्ट बैंक लिमिटेडको भएको छ । यस कम्पनीको ८ करोड ४७ लाख ५९ हजार ७ सय ३९ रुपैयाँ ७० पैसा बराबरको सेयर कारोबार भएको हो । यस अलावा गरिमा विकास बैंक, हिमालयन डिष्टिलरी, शिवम् सिमेन्ट, रिडी पावर कम्पनी र नबिल बैंक लिमिटेडको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः
यस्तै आइतबारको सेयर बजारमा पिपुल्स पावर लिमिटेडका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । पिपुल्स पावरको सेयरमा यस्तो गिरावट आउँदा सिटिजन्स बैंक इन्टरन्याशनल, आशा लघुवित्त वित्तिय संस्था, मैलुंग खोला जल विद्युत,पञ्चकन्या माई हाइड्रोपावर र महुली लघुवित्त वित्तिय संस्थामा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
