काठमाडौं । साताको कारोबारको पहिलो दिन आइतबार नेप्से परिसूचक बढेको छ । शुक्रबारको तुलनामा नेप्से परिसूचक १४.३५ अंकले घटेर १८५८.४९ बिन्दुमा पुगेको हो । नेपाल स्टक एक्सचेन्ज (नेप्से) का अनुसार आइतबार कुल २२१ कम्पनीको १५ लाख ३८ हजार ४८ कित्ता सेयर खरिद बिक्री हुँदा ५१ करोडमाथिको सेयर कारोबार भएको छ । आज सबैभन्दा बढी कारोबार एभरेस्ट बैंक लिमिटेडको भएको छ । यस कम्पनीको ५ करोड १६ लाख ३२ हजार ९ सय ९७ रुपैयाँ बराबरको सेयर कारोबार भएको हो ।
यसैगरी आइतबारको सेयर बजारमा रुरु जलविद्युत परियोजनाका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा सयपत्री हाइड्रोपावर, सिटिजन्स म्युचुअल फण्ड -१, जनउत्थान सामुदायिक लघुवित्त वित्तिय संस्था, किसान लघुवित्त वित्तिय संस्था र मिथिला लघुवित्त वित्तिय संस्थाका लगानीकर्ता पनि मालामाल भएका छन् । हेर्नुहोस् आइतबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच आइतबारको सेयर बजारमा सबैभन्दा बढी कारोबार एभरेस्ट बैंक लिमिटेडको भएको छ । यस कम्पनीको ५ करोड १६ लाख ३२ हजार ९ सय ९७ रुपैयाँ बराबरको सेयर कारोबार भएको हो । यस अलावा नबिल बैंक, नेपाल बैंक लिमिटेड, एनआइसी एशिया बैंक लिमिटेड प्रमोटर सेयर, गरिमा विकास बैंक लिमिटेड र प्रभु बैंक लिमिटेडको पनि अत्याधिक कारोबार भएको छ । हेर्नुहोस् आइतबारको सेयर बजारमा सर्वाधिक कारोबार हुने कम्पनीहरुको सूचीः
यस्तै आइतबारको सेयर बजारमा सिटिजन्स म्युचुअल फण्ड २ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ९ प्रतिशत भन्दा धेरैले घटेको हो । सिटिजन्स म्युचुअल फण्ड २ को सेयरमा यस्तो गिरावट आउँदा अभियान लघुवित्त वित्तिय संस्था, महुली लघुवित्त वित्तिय संस्था, बेस्ट फाइनान्स कम्पनी, एनआइबिएल प्रगति फण्ड र सिद्धार्थ इन्भेस्टमेन्ट ग्रोथ स्किम -२ मा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः
