काठमाडौं । सोमबार नेप्से परिसूचक बढेको छ । तिहार अघिको अन्तिम कारोबार दिनको तुलनामा नेप्से परिसूचक १६.३९ अंकले बढेर १८७४.८७ बिन्दुमा पुगेको हो । नेपाल स्टक एक्सचेन्ज (नेप्से) का अनुसार सोमबार कुल २२४ कम्पनीको २५ लाख ७४ हजार ९ सय ७५ कित्ता सेयर खरिद बिक्री हुँदा ६९ करोडमाथिको सेयर कारोबार भएको छ । आज सबैभन्दा बढी कारोबार एनआइसी एशिया बैंक लिमिटेडको भएको छ । यस कम्पनीको ६ करोड १७ लाख २१ हजार २ सय ३२ रुपैयाँ ६० पैसा बराबरको सेयर कारोबार भएको हो ।
यसैगरी सोमबारको सेयर बजारमा सयपत्री हाईड्रोपावर लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा नेपाल एसबिआइ बैंक, शाइन रेसुङ्गा डेभलपमेण्ट बैंक, एनआइसी एशिया बैंक, एभरेस्ट बैंक लिमिटेड र इमर्जिङ्ग नेपाल लिमिटेडका लगानीकर्ता पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच सोमबारको सेयर बजारमा सबैभन्दा बढी कारोबार एनआइसी एशिया बैंक लिमिटेडको भएको छ । यस कम्पनीको ६ करोड १७ लाख २१ हजार २ सय ३२ रुपैयाँ ६० पैसा बराबरको सेयर कारोबार भएको हो । यस अलावा एभरेस्ट बैंक लिमिटेड, नबिल बैंक लिमिटेड, प्रभु बैंक लिमिटेड, शिवम्र सिमेन्ट र शाइन रेशुङ्गा डेभलपमेण्टको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरुको सूचीः
यस्तै सोमबारको सेयर बजारमा अपर हेवा खोला हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ८ प्रतिशत भन्दा धेरैले घटेको हो । अपर हेवा खोलाको सेयरमा यस्तो गिरावट आउँदा रुरु जलविद्युत परियोजन, अभियान लघुवित्त वित्तिय संस्था, नबिल ब्यालेन्स फण्ड -३, दिब्यश्वरी हाइड्रोपावर लिमिटेड र कामना सेवा विकास बैंकमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः
