×

Live on

रेडियो अर्थ सरोकार

Listen to live radio.

SANIMA BANK AD

मेयर बालेन साहलाई ज्यान मार्ने धम्की

NABIL BANK
BIZBAZAR

काठमाडौं । काठमाडौं महानगरपालिकाका मेयर बालेन्द्र साह (बालेन)लाई ज्यान मार्ने धम्की आएको छ । साहलाई थापाथलीको सकुम्बासी बस्तीका एक स्थानीयले ज्यान मार्ने भन्दै धम्की दिएका हुन् ।

सोमबार महानगरको टोली थापाथलीको सुकुम्बासी बस्ती हटाउन भन्दै सो क्षेत्रमा पुगेको थियो । तर, वैकल्पिक व्यवस्थाबिनै विस्थापित गर्न खोजेको भन्दै स्थानीयले महानगरको टोलीमाथि ढुंगामुढा गरेका थिए । महानगरको विरोधमा उत्रिएका उनीहरुले घरेलु हातहतियारसमेत प्रयोग गरेका थिए । सो पछि बस्तीका एक स्थानीयले मेयर साहलाई ज्यान मार्ने धम्की दिएका हुन् ।

सोमबार सुकुम्बासी बस्तीका स्थानीयको आक्रमणबाट १८ जना प्रहरी घाइते भएका छन् भने गम्भीर घाइते भएका तीन जनालाई आईसियुमा राखिएको छ । झडपकै क्रममा सञ्चारकर्मीसँग कुराकानी गर्दै एक स्थानीयले मेयर साहको ज्यान खतरामा रहेको अभिव्यक्ति दिएका थिए ।

‘बालेन साहको ज्यान अब खतरामा हुन्छ, मर्न पनि हामी ज्यान नै दिन्छौँ, सके त्यसलाई पनि मार्छौं हामीले,’ ती व्यक्तिले भनेका छन् ।

ज्यान मार्ने धम्की आएसँगै मेयर साहले देशको सुरक्षा व्यवस्थामाथि प्रश्न उठाएका छन् । ‘देशमा गृह मन्त्रालय, प्रहरी प्रशासन, शान्तिसुरक्षा छ कि छैन ?’, साहले भनेका छन, ‘देशको राजधानीमा खुलेआम आतंकवाद हुँदा केन्द्र सरकार के हेरेर बसेको छ ?’

Hamro Parto AD
MEGA BANK AD

प्रतिक्रिया दिनुहोस्

सिफारिस:

GOLDEN OAK AD
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा [email protected] मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2023.

Artha Sarokar® Trademark Registered. Regd. No. : 047796

Maintained By : Eservices Nepal