काठमाडौं । बैंक तथा वित्तिय संस्थामा एकैदिन १६ अर्ब निक्षेप थपिएको छ । नेपाल राष्ट्र बैंकको पछिल्लो तथ्यांक अनुसार कात्तिक ३० गतेसम्म ५१ खर्ब ८४ अर्ब निक्षेप रहेको छ । कात्तिक २९ गतेसम्म ५१ खर्ब ६८ अर्ब रुपैयाँ मात्रै थियो ।
सो अवधिमा वाणिज्य बैंकमा मात्रै १३ अर्ब रुपैयाँ निक्षेप थपिएको राष्ट्र बैंकले जनाएको छ । कात्तिक ३० गतेसम्म वाणिज्य बैंकहरुमा ४५ खर्ब ६१ अर्ब रुपैयाँ निक्षेप रहेको छ । राष्ट्र बैंकको तथ्यांक अनुसार एकदिनमा १ अर्ब रुपैयाँमात्रै कर्जा प्रवाह भएको छ ।
साथै, बैंक तथा वित्तीय संस्थाले ४७ खर्ब ५८ अर्ब रुपैयाँ कर्जा प्रवाह गरेका छन् । निक्षेप बढेसँगै एकैदिनमा सीडी रेसियो पनि घटेको छ । कात्तिक २९ गते ८७.०९ प्रतिशतमा रहेको सीडी रेसियो कात्तिक ३० मा ८६.८५ प्रतिशतमा आएको छ ।
