काठमाडौं । आइतबार बिहानैदेखि प्रतिनिधि र प्रदेश सभा सदस्यका लागि मतदान सुरु भएको छ । यो मतदानले आगामी पाँच वर्षका लागि देशको नेतृत्व चयन गर्नेछ । आइतबार बिहानै ७ बजेदेखि देशभरका मतदान केन्द्रहरुमा मतदान सुरु भएको छ ।
मतदान साँझा पाँच बजेसम्म जारी रहनेछ । प्रत्येक्षतर्फ १६५ सिटका लागि देशभरबाट २४१२ जना उम्मेदवार प्रतिस्पर्धामा छन् । जसमा १५४५ दलका र ८६७ स्वतन्त्र उम्मेदवार रहेका छन् । यस्तै, प्रदेश सभाका लागि ३२२४ जना उम्मेदवार प्रतिस्पर्धामा छन् । त्यसमध्ये २१३० जना दलका र १०९४ स्वतन्त्र उम्मेदवार रहेका छन् । बाँकी फोटो फिचरमा हेर्नुहोस्ः
